Weltuntergang á la 1833

1
Es ist keine Ordnung mehr jetzt in die Stern',
D'Kometen müßten sonst verboten wer'n;
Ein Komet reist ohne Unterlass
um am Firmament und hat kein' Pass;
Und jetzt richt' so a Vagabund
uns die Welt bei Butz und Stingel s'grund;
Aber lass'n ma das, wie's oben steht,
Auch unt' sieht man, daß's auf'n Ruin losgeht.

Abends traut man ins zehnt G'wölb sich nicht hinein
Vor Glanz, dienn sie richten s' wie d' Feentempel ein;
Der Zauberer Luxus schaut blendend hervur,
Die böse Fee Krida sperrt nacher 's Gwölb' zur.

Da wird einem halt angst und bang,
Die Welt steht auf kein' Fall mehr lang.

2
Am Himmel is die Sonn' jetzt voll Capriz,
Mitten in die Hundstag' gibt's kein' Hitz';
Und der Mond geht auf so rot, auf Ehr',
Nicht anderster, als wann er b'soffen wär',
Die Milchstraßen, die verliert ihr'n Glanz,
Die Milliweiber obn'n verpantschen s'ganz;
Aber lass'n ma das, herunt' geht's z'bunt,
Herunt' schon sieht man's klar, die Welt geht z'grund.

Welche hätt' so ein' g'schecketen Wickler einst mög'n,
A Harlekin is ja grad nur ein Spitzbub' dageg'n;
Im Sommer trag'n s' Stiefel, á jour-Strümpf' im Schnee,
Und statt Haub'n hab'n s' gar Backenbärt' von tull anglais.

Da wird einem halt angst und bang,
Ich sag': D' Welt steht auf kein' Fall mehr lang.

3

Der Mondschein; da mög'n s' einmal sag'n, was 's woll'n,
Ich find', er is auf einer Seiten g'schwoll'n,
Die Stern wer'n sich verkühl'n, ich sag's voraus,
Sie setzen sich zu stark der Nachtluft aus.
Der Sonn' ihr G'sundheit ist jetzt a schon weg,
Durch'n Tubus sieht man's klar, sie hat die Fleck';
Aber lass'n ma das, was oben g'schieht,
Herunt' schon sieht man, 's tut's in d' Länge nicht.

Sie hab'n Zeitungen jetzt, da das Pfennig-Magazin,
Da steht um ein' Pfennig all's Mögliche drin;
Jetzt kommt g'wiß bald a Zeitschrift raus, i parier',
Da krieg'n d' Pränumeranten umsonst Kost und Quartier.

Da wird einem halt angst und bang,
Die Welt steht auf kein' Fall mehr lang.

 

Repetition

Die Fixstern', sag'n s', sein alleweil auf ein' Fleck',
's is erlog'n, beim Tag sein s' alle weg;
's bringt jetzt der allerbeste Astronom
Kein' saub're Sonnenfinsternis mehr z'samm'.
Die Venus kriegt auch ganz ein' ganz andere G'stalt,
Wer kann davor, sie wird halt a schon alt;
Aber wenn auch schon ob'n schon alles kracht,
Herunt' is was, was mir noch Hoffnung macht.

Wenn auch 's meiste verkehrt wird, bald drent und bald drüb'n,
Ihr Güte ist stets unverändert geblieb'n;
Drun sag' i, aus sein' G'leis' wird erst dann alles flieg'n,
Wenn Sie Ihre Nachsicht und Huld uns entzieh'n.

Da wurd' ein' erst recht angst und bang,
Denn dann stund' d' Welt g'wiß nicht mehr lang.

 

Zurück zum Artikel